Sponsored Post Learn from the experts: Create a successful blog with our brand new courseThe WordPress.com Blog

Are you new to blogging, and do you want step-by-step guidance on how to publish and grow your blog? Learn more about our new Blogging for Beginners course and get 50% off through December 10th.

WordPress.com is excited to announce our newest offering: a course just for beginning bloggers where you’ll learn everything you need to know about blogging from the most trusted experts in the industry. We have helped millions of blogs get up and running, we know what works, and we want you to to know everything we know. This course provides all the fundamental skills and inspiration you need to get your blog started, an interactive community forum, and content updated annually.

As e os 19 de Meirás reclaman que sexa definitivamente arquivada a denuncia dos Franco e da Fundación Francisco Franco contra as e os 19 activistas denunciados

Néstor Rego expresou a “satisfacción ante a vitoria social que supón que, por fin, a familia do ditador teña que devolver este ben roubado pola ditadura franquista, que agora debe pasar a mans do pobo galego”

As e os activistas denunciados compareceron ante o Pazo de Meirás na data en que a familia Franco, obrigada por sentenza xudicial, tivo que facer entrega das chaves do Pazo

O grupo de persoas denunciadas pola familia Franco e a Fundación Francisco Franco pola acción simbólica e pacífica realizada en agosto do 2017 no Pazo de Meirás, coñecidas como 19 de Meirás, compareceron en rolda de prensa esta mañá ante o Pazo, no día en que, obrigados por sentenza xudicial, os Franco entregaron ao Estado as chaves deste ben espoliado pola ditadura franquista.

Néstor Rego, integrante d@s 19 de Meirás e Deputado no Congreso, expresou a “satisfacción ante a vitoria social que supón que, por fin, a familia do ditador teña que devolver este ben roubado pola ditadura franquista ao pobo galego” sinalou. Rego fixo fincapé en que “foi posíbel chegar até aquí froito da presión e da loita incansábel durante moitos anos de colectivos e activistas da memoria histórica” e lembrou que “agora o Pazo de Meirás debe ser transferido polo Estado ao patrimonio público galego” explicou.

En nome das e dos 19 de Meirás, Rego expresou o “orgullo por termos contribuído, coa acción realizada o 30 de agosto do 2017 ocupando simbólica e pacificamente o Pazo, a centrar o foco mediático e político nesta cuestión, e que hoxe poidamos presenciar como se inicia a fin dos privilexios herdados dunha cruenta ditadura que espoliou innúmero patrimonio e só deixou un regueiro de morte e terror na Galiza” explicou.

Reclaman o arquivo da denuncia que pesa sobre as 19 persoas encausadas

Desde as e os 19 de Meirás lembran que sobre eles pesa aínda a denuncia dos Franco, con peticións de penas de ate 13 anos de cadea por cada activista, e até medio millón de multa “simplemente por reclamar que o Pazo é do pobo galego e denunciar o espolio franquista na Galiza” explicou Rego.
“A sentenza que hoxe se está a executar deixa claro que o Pazo foi roubado ás galegas e galegos, tal e como as e os 19 de Meirás reivindicamos a través da acción realizada en agosto no 2017” sinalou Rego. “A denuncia dos Franco contra as 19 activistas encausadas non ten sentido ningún, é o mundo ao revés, por iso reclamamos que sexa arquivada dunha vez” concluíu Rego.

As e os 19 de Meirás cualifican de “moi boa noticia” a sentenza sobre o Pazo “froito da presión social e do traballo incansábel de activistas e colectivos da memoria histórica na Galiza”

Amósanse orgullos@s da acción realizada o 30 de agosto do 2017 e reclaman que a denuncia que pesa sobre as e os 19 activistas sexa definitivamente arquivada

Sinalan que a sentenza “aínda non é firme, cómpre manter a presión e a loita até que todo o patrimonio espoliado sexa definitivamente devolto”

As e os 19 de Meirás fixéronse eco da sentenza feita pública na mañá de hoxe, na que o Xulgado de Primeira Instancia número 1 da Coruña declara que o Pazo de Meirás é do Estado e ordena á familia Franco a súa devolución. “É unha moi boa noticia, froito da presión e da loita incansábel durante moitos anos de colectivos e activistas da memoria histórica na Galiza” sinalan.

“A acción realizada o 30 de agosto do 2017 polas 19 de Meirás, coa ocupación simbólica e pacífica do Pazo, centrou o foco mediático e político nesta cuestión, contribuíndo a que a petición da devolución do Pazo sexa un clamor social e hoxe poidamos ter esta sentenza” explican desde @s 19 de Meirás. “Sentímonos orgullosas e orgullosos do que fixemos, en defensa da democracia, da liberdade e da memoria das vítimas dunha cruenta ditadura que espoliou innúmero patrimonio e deixou milleiros de mortos na nosa terra ” sinalan.

Desde as e os 19 de Meirás lembran que sobre eles pesa aínda a denuncia dos Franco, con peticións de penas de ate 13 anos de cadea por cada activista, e até medio millón de multa “simplemente por reclamar que o Pazo é do pobo galego e denunciar o espolio franquista na Galiza” sinala Louzao, voceiro d@s 19 de Meirás. “Hoxe esa denuncia ten menos sentido ca nunca e debe ser arquivada” sentenzan.

Louzao lembra que “a sentenza aínda non é firme, polo que cómpre manter a presión e a loita ata que o Pazo de Meirás, e todo o patrimonio espoliado pola ditadura franquista, sexa definitivamente devolto ao pobo galego,” conclúe.

A causa d@s 19 de Meirás pasa a ser xulgada polo Tribunal Supremo

Esta circunstancia prodúcese ao ser un dos denunciados, Néstor Rego, actualmente deputado no Congreso

19 de Meirás: “Estamos orgullosas e orgullosos do que fixemos, e, aínda considerando que este proceso xudicial é un sen sentido, estamos dispostas e dispostos a enfrontalo”

@s 19 de Meirás, as 19 galegas e galegos denunciados pola Fundación Francisco Franco e a familia Franco por unha acción simbólica e pacífica realizada en agosto do 2017 no Pazo de Meirás, informaron hoxe de que veñen de coñecer o auto do Xulgado de Instrución Nº2 de Betanzos.

Neste auto, este Xulgado acorda a inhibición da causa d@s 19 de Meirás a favor do Tribunal Supremo, tendo en conta a actual situación dun dos denunciados, Néstor Rego, actualmente deputado no Congreso. Desde @s 19 de Meirás, informan de que o Xulgado de Betanzos alega a indivisibilidade da causa e das acusacións, dado que a denuncia formulada pola Fundación e a familia Franco non distingue entre denunciad@s, atribuíndo a todas e todos, conxuntamente, a realización dos presuntos delitos imputados nesta denuncia.

Desde @s 19 de Meirás, lembran que a denuncia presentada pola Fundación Francisco Franco e a familia do ditador “tenta criminalizar o exercicio ao dereito democrático á liberdade de expresión, un feito que consideramos en si grave e inadmisíbel” indican.

Desde @s 19 de Meirás lembran que a denuncia presentada versa sobre os presuntos delitos de  odio, danos, vulneración de morada, e contra o honor. “Os herdeiros dun ditador que co seu réxime trouxo ao noso País o terror de máis de 40 anos dunha cruel e asasina ditadura, están agora pedindo até 13 anos de prisión para quen defende a democracia e a memoria histórica” sinalan desde @s 19 de Meirás.

“A acción que realizamos @s 19 de Meirás o 30 de agosto do 2017 tivo un carácter simbólico e pacífico, e cumpriu co obxectivo para o que fora plantexada: reactivar o debate social e  político sobre a necesidade de facer xustiza coa recuperación do Pazo de Meirás para o pobo galego, introducilo na axenda política galega e obrigar ás institucións pública a se manifestar ao respecto” explican desde @s 19 de Meirás. “Estamos orgullosas e orgullosos do que fixemos, e, aínda considerando que este proceso xudicial é un sen sentido, estamos dispostas e dispostos a enfrontalo” conclúen desde @s 19 de Meirás.

@s 19 de Meirás esixen “celeridade” e “presión e contundencia” ao goberno español para que o Pazo de Meirás, a Casa Cornide e as estatuas do Pórtico da Gloria sexan devoltas

Congratúlanse da exhumación de Franco mais lembran que “na Galiza queda moito por exhumar dos restos do franquismo”

Lembran que o 5 de novembro terá lugar o xuízo contra 9 persoas por reclamar a devolución da Casa Cornide e que @s 19 de Meirás seguen pendentes á espera de xuízo

O voceiro d@s “19 de Meirás”, Néstor Rego, referiuse esta mañá á exhumación dos restos do ditador Franco do Val dos Caídos. “Congratulámonos de que este feito por fin se vaia producir, aínda que sexa con 40 anos de atraso” sinalou Rego.

Neste sentido, desde @s 19 de Meirás, o grupo de persoas denunciadas pola Familia Franco e a Fundación Francisco Franco por reclamar en agosto do 2017 que o Pazo de Meirás debe ser devolto ao pobo galego, lembran que na Galiza segue habendo “moito por exhumar dos restos do franquismo” explicou metaforicamente Néstor Rego.

“É unha urxente esixencia democrática a devolución ao pobo galego de todos os bens espoliados pola ditadura franquista na nosa nación, entre eles o Pazo de Meirás, a Casa Cornide ou as estatuas de Abraham e Isaac, pertencentes ao conxunto escultórico do Pórtico da Gloria” subliñou Rego que, lembrou, “o 5 de novembro está previsto o xuízo contra 9 persoas denunciadas pola familia Franco por reclamar a devolución da Casa Cornide, mentres que @s “19 de Meirás” seguimos pendentes e á espera de xuízo” explicou.

Desde @s “19 de Meirás” reclaman do goberno español “celeridade” no que atinxe á devolución da Casa Cornide e das estatuas de Abraham e Isaac, así como “presión e contundencia para que a demanda de devolución do Pazo de Meirás sexa resolta e este ben sexa transferido ao patrimonio público galego á maior brevidade” sinalaron.

“É urxente rematar con todos os privilexios herdados do franquismo, e para isto non chega con sacar a Franco do Val dos Caídos, hai que eliminar todos os redutos da ditadura franquista de todos os eidos e institucións nos que aínda perduran a día de hoxe” sentenciou o voceiro d@s “19 de Meirás”.

@s 19 de Meirás exixen a Pedro Sánchez que presente “inmediatamente” a demanda civil para iniciar o proceso de devolución do Pazo de Meirás

 

  • As e os denunciados pola familia e a Fundación Franco anuncian medidas “de presión social” se o goberno do Estado “non cumpre”
  • Inician unha recollida de sinaturas “a pé de rúa e tamén a través das redes para visualizar o clamor social e o consenso existente en torno a esta cuestión” sinalan.

A simbólica sede da Asociación Cultural Alexandre Bóveda foi o lugar escollido na mañá de hoxe polo colectivo “19 de Meirás” para realizar unha rolda de prensa na que lanzaron a mensaxe ao goberno do Estado a través da cal exixen a Pedro Sánchez “que presente inmediatamente a demanda civil necesaria para que se poidan iniciar os trámites pertinentes para que o Pazo de Meirás poida ser devolto ao patrimonio público galego”.

As e os integrantes d@s 19 de Meiras, que están denunciadas pola familia e a Fundación Franco por unha acción simbólica e pacífica realizada en agosto do 2017 no Pazo de Meirás, sosteñen que “non é concevíbel que o goberno do Estado non teña interposto esta demanda civil aínda” sinalou Néstor Rego, voceiro do colectivo. As e os denunciados pola familia e a Fundación Franco lembran que “o goberno do Estado ten toda a información e documentación, suficiente e necesaria, ara non ter dúbidas en presentar esta demanda civil, pois o propio Parlamento galego acordou por unanimidade trasladar ao goberno do Estado esta exixencia de devolución do Pazo para o patrimonio público galego, ao igual que fixo tamén a Xunta Pro-devolución do Pazo de Meirás da Deputación da Coruña” explicou Rego.

“Mentras esta demanda civil non se presenta, os Franco campan coa impunidade ás súas anchas, non hai mais que comprobalo coa demanda que veñen de interpor contra o historiador Carlos Babío polas súas investigacións a respecto do expolio franquista. Aproveitamos para trasladar toda a nosa solidariedade con este compañeiro” expresou Néstor Rego.

Desde @s 19 de Meirás anuncian que se esta demanda civil non se presenta, “poremos en marcha medidas de presión social” explicaron e, engadiron, “para comezar poremos xa en marcha unha recollida de sinaturas, tanto na rúa como a través das redes, mediante a plataforma Change.org, para recoller e visualizar o clamor social e o consenso que existe na sociedade galega en torno á reclamación da devolución do Pazo de Meirás” sinalaron.

“É necesario e é posíbel que o Pazo pase a ser patrimonio público, só é cuestión de vontade política. Esta é unha esixencia democrática e que honraría a memoria dos milleiros de galegos e galegas que foron asasinadas polo franquismo” concluíu Néstor Rego.

19 de Meirás: “Reactivamos o debate social sobre a necesidade de recuperar o pazo para o pobo galego e rematar cos restos da ditadura franquista”

Esixen ás forzas políticas estatais e ao goberno do Estado que “que se realmente se din defensores da democracia non dilaten máis esta cuestión e de inmediato presenten a demanda civil para que o Pazo de Meirás pase ao patrimonio público galego”.

14 d@s “19 de Meirás” declararon na mañá de hoxe perante a xuíza que instrúe o caso. Ás portas do xulgado congregáronse centos de persoas nunha concentración convocada en apoio ás persoas denunciadas pola Fundación Francisco Franco e a familia do ditador Francisco Franco. Seguir lendo “19 de Meirás: “Reactivamos o debate social sobre a necesidade de recuperar o pazo para o pobo galego e rematar cos restos da ditadura franquista””

19 de Meirás: “Sentímonos orgullosas e orgullosos do que fixemos”

19 de Meirás: “non hai só que sacar os restos de Franco do Val dos Caídos, senón que hai que sacar os restos do franquismo de todos os ámbitos nos que aínda perduran, como acontece co caso do Pazo de Meirás”

19 de Meirás: “É o mundo ao revés. En pleno 2018 o franquismo pedindo até 13 anos de prisión para quen defende a democracia e a restitución da memoria histórica”

Na mañá de hoxe cinco das 19 persoas denunciadas pola familia Franco e a Fundación Nacional Francisco Franco, máis coñecidas como “19 de Meirás”, declararon ante a xuíza que instrúe o caso. Ás portas do xulgado congregáronse centos de persoas nunha concentración convocada en apoio ás persoas denunciadas. Seguir lendo “19 de Meirás: “Sentímonos orgullosas e orgullosos do que fixemos””

Apoia ás 19 de Meirás

Concentración apoio 19 de Meirás Betanzos.svgEste venres 28 de setembro ás 19 de Meirás terán que declarar no xulgado de Betanzos logo da denuncia presentada pola familia Franco, en resposta á ocupación simbólica que estas activistas realizaron o 30 de agosto de 2017.

Desde esta web de apoio ás 19 de Meirás facemos un chamamento a todo o pobo galego para que se sume á concentración de apoio que terá lugar o 28 de setembro, ás 10h. diante do xulgado de Betanzos (Praza Irmáns García Naveira).

A súa loita contra o Franquismo e pola recuperación do Pazo de Meirás é unha loita colectiva, é de todas e todos.

Recorda que segue aberto o formulario de adhesións.  Se non o fixeches, asina, apoia ás 19 de Meirás.

 

As “19 de Meirás” voltan ao Pazo para seguir a exixir que sexa devolto ao pobo galego

“Un ano despois seguimos a defender que esta é unha exixencia democrática e unha maneira de facer xustiza ás vítimas directas do espolio e á totalidade de vítimas do franquismo” indicaron

O colectivo “19 de Meirás” agrupa ás persoas que foron denunciadas pola familia Franco e a Fundación Francisco Franco após a acción simbólica e pacífica realizada

O colectivo “19 de Meirás” realizou esta mañá unha rolda de prensa fronte ao Pazo de Meirás coincidindo co aniversario da acción simbólica e pacífica acontecida hai un ano nese mesmo emprazamento.

Na mesma, tal e como explicou o voceiro d@s 19 de Meirás, Anxo Louzao, “hai hoxe un ano, un grupo de galegos e galegas, demócratas, militantes nacionalistas, sindicalistas, activistas sociais, culturais e da memoria, decidimos realizar unha acción pacífica e simbólica, que consistiu en despregar dúas faixas da fachada principal do Pazo de Meirás que temos ás nosas costas. Deste xeito reclamábamos a intervención dos poderes públicos para que o patrimonio usurpado após o golpe de estado fascista polo ditador Francisco Franco fora recuperado para o pobo galego” indicou.

Como consecuencia desta acción un total de 19 persoas, @s “19 de Meirás” foron denunciadas pola familia Franco e a Fundación Francisco Franco, e serán chamadas a declarar en sede xudicial no vindeiro mes de setembro. Louzao expresou que “un ano despois queremos manifestar que nos reafirmamos nesta acción simbólica e pacífica que xa conseguiu un dos seus obxectivos: reactivar o debate social e político sobre a recuperación do Pazo, metelo na axenda política galega e obrigar ás institucións públicas a se manifestar ao respecto. Se hoxe se fala tanto de Meirás, da Casa Cornide, das estatuas de Abraham e Isaac é grazas a accións como está, o que demostra a súa utilidade e necesidade” indicou.

“Porén, o obxectivo fundamental non está aínda cumprido: a devolución ao pobo galego do Pazo de Meirás. Non pararemos até conseguilo. É necesario e é posíbel, porque é exclusivamente, unha cuestión de vontade política. Se hai vontade política de facelo, pódese facer. Non só no “Valle dos caídos” (que tamén) senón para devolverlle ao pobo galego o patrimonio que lle foi expoliado por unha atroz ditadura” sinalan desde o colectivo 19 de Meirás.

No que atinxe á denuncia formulada pola familia Franco, desde o colectivo sinalan que “é unha barbaridade do punto de vista tanto político canto xurídico. Mais unha vez, estase a tentar criminalizar o exercicio do dereito democrático á liberdade de expresión, un feito que consideramos en si grave e inadmisíbel. Mais, vese aínda acentuada a gravidade porque quen o fai é a familia do ditador, que se aproveita e beneficia do botín de guerra, e unha fundación que, polos seus obxectivos de realizar apoloxía do fascismo e da ditadura, non debería existir e menos aínda ser receptora de subvencións públicas do Estado” indican.

“Para nós, e para a maioría de galegos e galegas, defender a democracia, a liberdade, a xustiza e a dignidade colectiva non é apenas un dereito, senón unha obriga. Trátase dunha exixencia democrática e unha maneira de facer xustiza ás vítimas directas do espolio e á totalidade de vítimas do franquismo” concluíron.

*Achéganse fotografías da rolda de prensa realizada.

**Teléfono de contacto: Anxo Louzao 637-303-241

Posponse o xuízo por pendurar na Casa de Cornide unha faixa co lema “Que nos devolvan o roubado, Franquismo Nunca Máis”

A data inicial da comparecencia coincidía co 18 de xullo, aniversario do alzamento militar de 1936

O xuízo contra as nove persoas nacionalistas que o pasado 26 de setembro de 2017 ocuparon de xeito simbólico a Casa Cornide da Coruña, que se ía producir o mércores 18 de xullo, data coincidente co aniversario do alzamento franquista, quedou suspendido sine die. O acto consistira no despregamento dunha faixa desde o balcón coa lenda “Que nos devolvan o roubado, Franquismo Nunca Máis”.

Como novidade, na notificación recibida inclúense personados na causa aberta os herdeiros do ditador Jaime Felipe, María del Carmen, María de la O, María del Mar, María Aránzasu e José Cristóbal Franco Martínez-Bordiú, que se suman deste xeito á denuncia por coaccións presentada inicialmente polo neto do ditador Francisco Franco Martínez- Bordiú.

Este grupo de activistas, que participou naquela acción simbólica para visibilizar que os herdeiros da ditadura seguen a posuír os bens roubados ao pobo galego, recibiu apoio de colectivos que traballan pola recuperación da memoria histórica e de diversas formacións políticas.

Co lanzamento dun manifesto de apoio xa conseguiu máis de 2.200 apoios.